ნაბეღლავი

 ნაბეღლავი - გუბაზეულის ხეობის ულამაზესი ბალნეოლოგიური კურორტია, იგი მდებარეობს ზღვის დონიდან 470 მეტრის სიმაღლეზე. ჩაფლულია წიწვოვანი და ფოთლოვანი ტყის მასივში, მთის სწრაფი და ანკარა მდინარის გუბაზეულის სანაპიროზე. ხასიათდება უნიკალური კლიმატური და ბალნეოლოგიური პირობებით, ძვირფასი მინერალური სამკურნალო წყლებით. ნაბეღლავის წყალი ბორჯომის წყლის ტიპისაა, რომელიც წარმატებით გამოიყენება კუჭ-ნაწლავის ტრაქტის, ღვიძლისა და სანაღველე გზების, თირკმელების, ძვალ-სახსრების, კანის, ნერვიული სისტემის დაავადების სამკურნალოდ. იხმარება, როგორც დასალევად ასევე აბაზანის სახით. ნაბეღლავის სამკურნალო თვისებებით სარგებლობდა როგორც საქართველოს ასევე მის ყოფილი საბჭოთა კავშირის რესპუბლიკების მოსახლეობა. კურორტის მაღალი სამკურნალო ეფექტიანობის გამო დამსვენებელთა რაოდენობა ყოველწლიურად მატულობდა და კურორტით სარგებლობა მთელი წლის განმავლობაში გამოიყენებოდა. მკურნალობის კურსი მოიცავდა 12-18 დღეს. მართალია,კურორტზე ორგანიზებული დასვენება 90 იან წლებში გაუქმდა, (არსებობდა კეთილმოწყობილი დასასვენებელი სანატორიუმი )   მაგრამ დამსვენებლები  დღესაც  აქტიურად  აგრძელებენ მკურნალობას კერძო, ინდივიდუალურ სახლებში დასვენებას, რაც მნიშვნელოვან სტიმულს აძლევს გუბაზეულის ხეობაში საოჯახო და აგროტურიზმის განვითარებას, რადგან გარდა სამკურნალო წყლების გამოყენებისა დამსვენებლები იყენებენ საკვებად ადგილობრივად წარმოებულ ეკოლოგიურად სუფთა სოფლის მეურნეობის პროდუქტებს(რომლის წარმოების პროცესში ისინი აქტიურად მონაწილეობენ.მაქსიმალურად ითვისებენ ამ ზონაში გავრცელებულ კენკროვან(მოცვი) და ტყის მცენარეულ ნაყოფს(წაბლი,წიწიბო,ტყის ვაშლი და სხვა)მისდევენ თევზაობას და ეცნობიან  გურიისთვის დამახასიათებელ  მრავალ სხვა საინტერესო ტრადიციებს.