სოციალურად დაუცველ ბავშვებს საჩუქრები გადაეცათ
ჩოხატაურის მუნიციპალიტეტის მერმა ირაკლი კუჭავამ, მოადგილეებთან და დაბაში მერის წარმომადგენელთან ერთად, სპორტკომპლექსში მცხოვრებ, სოციალურად დაუცველი ოჯახების ბავშვებს დამდეგი ახალი წელი მიულოცა, საჩუქრები და საშობაო კონცერტზე დასასწრები მოსაწვევები გადასცათ.
#გურია2017 #ჩოხატაური2017
საქველმოქმედო ღონისძიება "ხელი ხელს"
27 დეკემბერს, საქართველოს წითელი ჯვრის საზოგადოებამ, ჩოხატაურის ადგილობრივი ფილიალის ორგანიზებით, მერიისა და საკრებულოს მხარდაჭერით,
გამართა საქველმოქმედო გამოფენა-გაყიდვა ,,ხელი ხელს".
საქველმოქმედო ღონისძიებაში მონაწილეობა მიიღო სამხატვრო სკოლამ, ჯვარცხმის საჯარო სკოლამ, ყოვლადწმიდა ღვთისმშობლის სახელობის სამრევლო სკოლამ, წითელი ჯვრის ბენეფიციარებმა და მოხალისეებმა.
შემოსული თანხა გადაეცემა კოხნარის ადმინისტრაციულ ერთეულში მცხოვრებ ერთ-ერთ მრავალშვილიან ოჯახს.
#გურია2017 #ჩოხატაური2017
არჩილ კუტალაძის პერსონალური გამოფენა
25 დეკემბერს, ჩოხატაურის მუნიციპალიტეტის ა(ა)იპ თანამედროვე სახვითი ხელოვნების გალერეაში, ჩოხატაურელი მხატვრის არჩილ კუტალაძის ნამუშევრების პერსონალური გამოფენა, სახელწოდებით „წვეთიზმი“ გაიმართა, რომელიც 2018 წლის 1 მარტამდე გაგრძელდება.
მხატვარმა თავისი ექსპოზიციიდან, მუნიციპალიტეტის რამდენიმე ა(ა)იპ სამსახურს საჩუქრი გადასცა.
გამოფენა გაიმართა ჩოხატაურის მუნიციპალიტეტის მერიისა და საკრებულოს მხარდაჭერით.
გამოფენის პარტნიორია პირველი თანამედროვე ხელოვნების ინტერნეტ პორტალი გურიაში.
#გურია2017 #ჩოხატაური2017 #კულტურა
2018 წლის სასკოლო სპორტული ოლიმპიადა დასრულდა
21 დეკემბერს, ჩოხატაურის მუნიციპალიტეტის მერიის, საკრებულოსა და საგანმანათლებლო რესურსცენტრის მხარდაჭერით, ა (ა)იპ სასპორტო სკოლაში 2018 წლის სასკოლო სპორტული ოლიმპიადა დასრულდა.
მხიარული სტარტების ფინალისტი, ჩოხატაურის N1 საჯარო სკოლის გუნდი გახდა, რომელიც რეგიონულ ოლიმპიადაზე იასპარეზებს.
ოლიმპიადის ორგანიზატორია საქართველოს ბავშვთა და სასკოლო სპორტის ეროვნული ფედერაცია.
#გურია2017 #ჩოხატაური2017 #სპორტი #სასკოლოოლიმპიადა
ეტალონი
2017-2018 წლის საშემოდგომო სეზონის შუალედური კონკურსის მეორე ადგილი ჩოხატაურის "ეტალონი მოსწავლემ" თათული სიხარულიძემ მოიპოვა.
„ჩოხატაურის ეტალონი მოსწავლის“ კონკურსი
სოციალურ-საგანმანათლებლო მედიაპროქტ „ეტალონის“ ავტორი და წამყვანი გოჩა ტყეშელაშვილი, ჩოხატაურის მუნიციპალიტეტის მერი ირაკლი კუჭავა, მერის მოადგილე მინდია ჟღერია, რესურცენტრის უფროსი შორენა სიხარულიძე და „ეტალონის“ შემოქმედებით ჯგუფი, ჩოხატაურის N1 საჯარო სკოლას ესტუმრა.
გოჩა ტყეშელაშვილმა 2016-2017 სასწავლო წლის „ჩოხატაურის ეტალონ მოსწავლეს“, გივი მდინარაძეს გამარჯვება კიდევ ერთხელ მიულოცა და სკოლის ღირსეული წარმოჩენისთვის ოქროს ფონდის წევრობის დამადასტურებელი სიმბოლური საჩუქარი პირადად გადასცა.
ასევე , ჩოხატაურის N1 საჯარო სკოლას „ეტალონის“ ეგიდით, ლიტვის საელჩოსგან სპეციალური ალმანახი გადაეცა პირადად ლიტვის ელჩის, გიედრიუს პუოჯუნასის ხელმოწერით.
სკოლაში გამართული ღონისძიების შემდეგ, სოციალურ-საგანმანათლებლო მედიაპროქტ „ეტალონის“ ფორმატით , ჩოხატაურის მუნიციპალიტეტის მერიის, საკრებულოსა და საგანმანათლებლო რესურსცენტრის მხარდაჭერით, ხელოვნების სასახლეში „ჩოხატაურის ეტალონი მოსწავლის“ გამოსავლენი ინტელექტუალური კონკურსი ჩატარდა.
პროექტში 76-მა მოსწავლემ მიიღო მონაწილეობა. "ეტალონი მოსწავლის" ტიტულს ჩოხატაურის N1 საჯარო სკოლის VIII კლასელი თამარ სიხარულიძე დაეუფლა.
ვულოცავთ თამარს გამარჯვებას და ვუსურვებთ წარმატებებს!
#გურია2017 #ჩოხატაური2017 #ჩოხატაურისეტალონიმოსწავლე
ჩოხატაურელი გოგონების წარმატება ნიუ-იორკში
ნიუ-იორკში, კაუფმანის მუსიკალურ ცენტრში, 26 ნოემბერს, საერთაშორისო ვოკალური კონკურს-ფესტივალი "PEARL OF NEW YORK 2017" გაიმართა. კონკურსში მსოფლიოს 10 ქვეყანას შორის, ჩოხატაურის მუნიციპალიტეტის მერიისა და საკრებულოს ფინანსური მხარდაჭერით, მუნიციპალიტეტის კულტურის ცენტრთან არსებული "ჯინსების თაობის" სოლისტებმა ლილიანა ლომინეიშვილმა და ქეთი მოდებაძემ მიიღო მონაწილეობა.
გამარჯვებული ჩოხატაურელი მომღერლები საქართველოში გრან-პრით, ფასიანი საჩუქრებითა და ფულადი პრიზებით დაბრუნდებიან.
ვულოცავთ გოგონებს და ვუსურვებთ წარმატებებს!
#გურია2017 #ჩოხატაური2017
ჩოხატაურის მუნიციპალიტეტში კვლავ იწმინდება გზები
სტიქიის შედეგად დაზიანებული გზების სარეაბილიტაციო სამუშაოები ჩოხატაურის მუნიციპალიტეტში ინტენსიურად მიმდინარეობს.
ვანზომლეთი, შუა ამაღლება, გორაბერეჟოული, საჭამიასერი, ნაბეღლავი, ხევი, ზემოხეთი, ფარცხმა, იანეული, ქვაბღა, ერკეთი, გოგოლესუბანი, ზოტი- სოფლების დაზიანებული შიდა გზების პირველადი გაწმენდითი სამუშაოები შესრულებულია, სპეციალური ტექნიკით დაპროფილდა დამეწყრილი უბნები. სოფლებში შესაძლებელია უსაფრთხო გადაადგილება.
დღეს დილიდან კვლავ მიმდინარეობს სამუშაოები, კვლავ მობილიზებულია სპეციალური ტექნიკა და მობილური ჯგუფები.
#გურია2017 #ჩოხატაური2017 #ვითარებაჩოხატაურში #სტიქია
სოხუმის დაცემის დღიდან 24 წელი გავიდა
27 სექტემბერს, სოხუმის დაცემის დღეს, ჩოხატაურის მუნიციპალიტეტის ხელმძღვანელმა პირებმა, გამგეობისა და საკრებულოს სამსახურებისა და ა(ა)იპ-ების თანამშრომლებთან ერთად, პატივი მიაგეს აფხაზეთში დაღუპული ჩოხატაურელი მებრძოლების (მამუკა კალანდაძე, გია სიხარულიძე, ზაზა ცინცაძე, ლექსო ბერაძე, გურამ უჯმაჯურიძე, გელა ბელაუსოვი, გოჩა უნგიაძე, ალბერტ შინოვი, ნუგზარ კიკვაძე, გოჩა ონიანი, გია ტრაპაიძე, ზურაბ კიკვაძე) საფლავებს და მიუსამძიმრეს მათ ოჯახებს.
დაბლაციხეში გზის რეაბილიტაცია
ჩოხატაურის მუნიციპალიტეტის გამგებელი ირაკლი კუჭავა გამგებლის პირველ მოადგილე - თამაზ ჯინჭარაძესთან ერთად, სოფელ დაბლაციხეში იმყოფებოდა.
სოფლის მაჟორიტარ დეპუტატთან გოჩა ჯიქიასთან და გამგებლის წარმომადგენელთან გიორგი ოსეფაიშვილთან ერთად, მუნიციპალიტეტის ხელმძღვანელებმა ძნელადმისადგომ უბნებში დაგებული ბეტონის ასასვლელები დაათვალიერეს და სამომავლო გეგმებზე ისაუბრეს.
#გურია2017 #ჩოხატაური2017 #ინფრასტრუქტურა2017
ინფრასტრუქტურული პროექტები სოფლებში
მუნიციპალიტეტის გამგებელი ირაკლი კუჭავა, საკრებულოს თავმჯდომარე - ზაალ მამალაძესთან და გამგებლის პირველ მოადგილე - თამაზ ჯინჭარაძესთან ერთად, ამაღლებისა და ზომლეთის თემში იმყოფებოდა.
მუნიციპალიტეტის ხელმძღვანელებმა დაათვალიერეს სოფელ ამაღლებაში კულტურის სახლის სარეაბილიტაციო სამუშაოები, სოფელ ვანში სოფლის სახლის მშენებლობა, სოფელ ზომლეთში საბავშვო ბაღისა და კულტურის ცენტრის სარემონტო სამუშაოები.
#გურია2017 #ჩოხატაური2017 #ინფრასტრუქტურა2017
შემოგვიერთდით Facebook-ზე
გაზიარება
ბმულები
