საპროექტო წინადადების ნუსხა
სოფლის მხარდაჭერის პროგრამის ფარგლებში, ჩოხატაურის მუნიციპალიტეტის დასახლებებში, 2019 წელს განსახორციელებელი პროექტების შერჩევის უზრუნველსაყოფად, მოქალაქეების მუნიციპალიტეტთან თანამშრომლობით, მერიაში წარმოდგენილი იქნა საპროექტო წინადადებები. წარმოდგენილი საპროექტო წინადადებები განხილული იქნება დასახლებების კრებების სხდომებსა და კონსულტაციებზე (იხ. საპროექტო წინადადებები).
სოფლის მხარდაჭერის პროგრამა
სოფლის მხარდაჭერის პროგრამით ჩოხატაურის მუნიციპალიტეტის დასახლებებში პროექტების შერჩევის პროცედურების დასაწყისიდანვე მოქალაქეებს ეძლევათ მუნიციპალიტეტთან თანამშრომლობის შესაძლებლობა, მათ შორის, მუნიციპალიტეტის მერიის მხრიდან ინფორმაციის თავისუფლად მიღების, საპროექტო წინადადებების შემუშავების, წარდგენის, მათ შესახებ ინფორმაციის მოსახლეობაში გავრცელების და გადაწყვეტილების მიღების პროცესის ყველა ეტაპზე ჩართულობის უზრუნველყოფის სახით. მუნიციპალიტეტი ყველა შესაძლო საშუალებით მოახდენს პროცესის შესახებ მოსახლეობის ინფორმირებას, საერთო კრებებზე გადაწყვეტილების მიღებისათვის საჭირო პროცედურების ორგანიზებასა და მათი სხდომების ჩატარების მატერიალურ-ტექნიკურ უზრუნველყოფას.
სოფლის მხარდაჭერის პროგრამის თაობაზე საპროექტო წინადადებების მოქალაქეებისგან მიღებას ახდენენ მერიის უფლებამოსილი პირები, რომლებიც განსაზღვრული არიან მერის შესაბამისი ბრძანებით (იხ. ბრძანება)(იხ. ცვლილება).
ნებისმიერ პირს (მიუხედავად მისი რეგისტრაციის ადგილისა, მოქალაქეობისა და ა.შ.) შეუძლია გადმოიწეროს ჩოხატაურის მუნიციპალიტეტის საიტიდან (chokhatauri.ge)საპროექტო წინადადებების ფორმა (იხ. დანართი), ან მიიღოს ადგილზე მერის წარმომადგენლისაგან და ის შევსებული სახით წარმოადგინოს მერიაში, ან საკუთარი იდეა/წინადადება ზეპირი სახით აუხსნას მერიის უფლებამოსილ პირებს (მ.შ. ადმინისტრაციულ ერთეულებში მერის წარმომადგენლებს), რომლებიც დაეხმარებიან მას ფორმის შევსებაში.
საპროექტო წინადადებების წარდგენილი უნდა იყოს შემდეგი მიმართულებებით:
• სასმელი წყლის სისტემები (მათ შორის ჭაბურღილები, წყალსადენები, ჭა და ა.შ. გაწმენდებით); წყაროების მოპირკეთება;
• სარწყავი სისტემები;
• სანიაღვრე არხები;
• ნაპირსამაგრი სამუშაოები;
• გზები;
• ხიდები, ცხაურები, ხიდბოგირები, გადასასვლელები;
• გარე განათება;
• სკოლების მიმდებარე ტერიტორიის კეთილმოწყობა;
• სკოლამდელი დაწესებულებები და შესაბამისი ინვენტარი;
• ამბულატორიის შენობები;
• კულტურის ობიექტები;
• სპორტული ინფრასტრუქტურა, მოედნები და მოედნების ინვენტარი;
• სკვერები და სველი წერტილები შესაბამისი ინვენტარით;
• წისქვილების რეაბილიტაცია და შესაბამისი ინვენტარი;
• სასაფლაოს შემოღობვა;
• თავშეყრის ადგილები, მოსაცდელები;
• მინი-ჰესები და შესაბამისი რეაბილიტაცია/აღდგენა.
ბიუჯეტის განხილვა
20 დეკემბერს , ჩოხატაურის საგანმანათლებლო რესურსცენტრის სააქტო დარბაზში, ჩოხატაურის მუნიციპალიტეტის მერმა ირაკლი კუჭავამ და საკრებულოს თავმჯდომარემ ზაალ მამალაძემ, 2019 წლის ბიუჯეტის სახალხო განხილვა გამართა.
შეხვედრას ესწრებოდნენ მუნიციპალიტეტის მერიის სათათბირო ორგანოს- „სამოქალაქო მრჩეველთა საბჭოს“ წევრები, მუნიციპალიტეტის სამსახურებისა და საზოგადოების წარმომადგენლები.
#გურია2018 #ჩოხატაური2018
მუნიციპალიტეტის პირველობა პნევმატური იარაღიდან ტყვიის სროლაში
დასრულდა ჩოხატაურის მუნიციპალიტეტის პირველობა პნევმატური იარაღიდან ტყვიის სროლაში.
შეჯიბრში მონაწილეობა მიიღო სამოცამდე მოყვარულმა მსროლელმა. საპრიზო ადგილებზე გასულ მოასპარეზეებს სიგელები, თასები და ფულადი ჯილდოები გადაეცათ.
ჩემპიონატი ჩოხატაურის მუნიციპალიტეტის მერია- საკრებულოს მხარდაჭერითა და ა(ა)იპ ჩოხატაურის მუნიციპალიტეტის სპორტისა და სპორტულ ღონისძიებათა ცენტრის“ ორგანიზებით გაიმართა.
#გურია2018 #ჩოხატაური2018 #სპორტი
პროექტის „რა ყოფილა გურია“ პრეზენტაცია
5 დეკემბერს, ჩოხატაურის მუნიციპალიტეტის სოფელ გორაბერეჟოულის დენდროლოგიურ პარკში და თანამედროვე სახვითი ხელოვნების გალერეაში, ევროკავშირის პროექტის „მონაწილეობითი პრინციპები გურიის ტურიზმის განვითარების სტრატეგიისათვის“ ფარგლებში მცირე გრანტების კონკურსში გამარჯვებული პროექტების პრეზენტაცია გაიმართა.
შეხვერდაზე ასევე წარმოდგენილი იქნა კონკურსში გამარჯვებული ერთ-ერთი საიმიჯო ვიდეო კლიპისა და წიგნის „აი, გურია!“ პრეზენტაცია, რომლებიც უცხოელ თუ ადგილობრივ ტურისტებს ჩოხატაურის ღირსშესანიშნაოებებს გააცნობენ.
პროექტი, რომელიც ევროკავშირის მიერ დაფინანსდა, უპრეცედენტოა და მიზნად ისახავს გურიის რეგიონში ტურიზმის განვითარების ხელშეწყობას. პროექტს ოზურგეთის, ჩოხატაურისა და ლანჩხუთის მუნიციპალიტეტები, ორ არასამთავრობო ორგანიზაციასთან - სამოქალაქო საზოგადოების ინსტიტუტსა და ინოვაციებისა და სამოქალაქო განვითარების ცენტრ-„პროგრესის სახლთან“ ერთად ახორციელებს.
პრეზენტაციას ესწრებოდნენ გურიის მხარისა და ჩოხატაურის მუნიციპალიტეტის ხელმძღვანელი პირები, პროექტის დირექტორი ნანა თავმდუმაძე და პარტნიორი არასამთავრობო ორგანიზაციების წარმომადგენლები.
#გურია2018 #ჩოხატაური2018 #რაყოფილაგურია
დასახლებული პუნქტის, დაბა ბახმაროს შექმნის თაობაზე საჯარო განხილვა გაიმართა
2018 წლის 30 ნოემბერს ჩოხატაურის მუნიციპალიტეტის სხდომათა დარბაზში გაიმართა, საჯარო განხილვა ჩოხატაურის მუნიციპალიტეტის ადმინისტრაციულ საზღვრებში მდებარე ბახმაროს ისტორიულ უბანში დასახლებული პუნქტის, დაბა ბახმაროს შექმნის თაობაზე.
სასკოლო სპორტული ოლიმპიადა ჩოხატაურში
15 ოქტომბერს, საქართველოს ბავშვთა და სასკოლო სპორტის ეროვნული ფედერაციის ორგანიზებით, ჩოხატაურის მუნიციპალიტეტის ბ. პაიჭაძის სახელობის ცენტრალურ სტადიონზე „სასკოლო სპორტული ოლიმპიადა 2018-2019 „-ის ფარგლებში მუნიციპალური თამაშები დაიწყო.
ოლიმპიადა, რომელშიც აქტიურადაა ჩართული მუნიციპალიტეტის სკოლები, 31 დეკემბერს დასრულდება.
პროექტის მხარდამჭერია ჩოხატაურის მუნიციპალიტეტის მერია და საკრებულო.
#გურია2018 #ჩოხატაური2018 #სპორტი
გორაბერეჟოულის საავტომობილო გზა მოასფალტდა
ჩოხატაურის მუნიციპალიტეტის სოფელ გორაბერეჟოულში ცენტრალურ საავტომობილო გზაზე ასფალტო-ბეტონის საფრის მოწყობა მიმდინარეობს.
სამუშაო პროცესს ჩოხატაურის მუნიციპალიტეტის მერის მოადგილე მინდია ჟღერია, სოფლის ხელმძღვანელ პირთან ერთად გაეცნო.
პროექტს ახორციელებს შპს „GEORGIAN BUILD”-ი.
#გურია2018 #ჩოხატაური2018 #ინფრასტრუქტურა
ჩოხატაურის მუნიციპალიტეტში შპს „შელერი“-ს „გუბაზეული 6 ჰესის მშენებლობისა და ექსპლუატაციის“ პროექტის სკოპინგის ანგარიშის საჯარო განხილვა
დაგეგმილი საქმიანობის განმახორციელებელი: შპს „შელერი“
დაგეგმილი საქმიანობის განხორციელების ადგილი: ჩოხატაურის მუნიციპალიტეტი სოფ. ქვაბღას და ჩხაკაურას მიმდებარე ტერიტორია
დაგეგმილი საქმიანობის სკოპინგის ანგარიშის საჯარო განხილვის დრო და ადგილი:
2018 წლის 23 ოქტომბერი 12:00 საათი, ჩოხატაურის მუნიციპალიტეტის სოფ. ქვაბღას კლუბის შენობა
საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.
მიმდინარე წლის 10 სექტემბერს, შპს „შელერი“-მ სამინისტროში წარმოადგინა განცხადება „გუბაზეული 6 ჰესის მშენებლობისა და ექსპლუატაციის“ პროექტის სკოპინგის დასკვნის მიღების თაობაზე.
“გარემოსდაცვითი შეფასების კოდექსის” თანახმად, სკოპინგის დასკვნის მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო.
აღნიშნულ სკოპინგის ანგარიშთან დაკავშირებით, ჩოხატაურის მუნიციპალიტეტის სოფ. ქვაბღას კლუბის შენობაში გაიმართება საჯარო განხილვა.
საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.
პროექტის დოკუმენტაციასთან დაკავშირებული შენიშვნები და მოსაზრებები ასევე შეგიძლიათ წარუდგინოთ სამინისტროს არაუგვიანეს 2018 წლის 25 ოქტომბრისა, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე This email address is being protected from spambots. You need JavaScript enabled to view it..
ასევე, მოთხოვნის შემთხვევაში, სამინისტრო უზრუნველყოფს“ გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას ნაბეჭდი სახით.
იხილეთ საჯარო განხილვის წესი.
მუსიკალური ტურნე ,,პიანინო''
კლასიკური მუსიკის პოპულარიზაციის მიზნით, ახალგაზრდა, ცნობილი პიანისტი, დავით ალადაშვილი და კომპანია "მაგთი" წარმოგიდგენთ პროექტს, "პიანინო", რომელიც გულისხმობს რეგიონულ ტურნეს, მთელი საქართველოს მასშტაბით.
დავით ალადაშვილი, თითოეული რეგიონის რამდენიმე ქალაქში ჩაატარებს კლასიკური მუსიკის კონცერტებს, ეს იქნება მოძრავ სცენაზე დამონტაჟებული პიანინო, რომელიც წინასწარ დაგეგმილ ადგილებში გაჩერდება და ყველა მსურველს შესაძლებლობა ექნება მოისმინოს კლასიკური მუსიკა.
აღნიშნული პროექტის ფარგლებში, ჩოხატაურის მუნიციპალიტეტში, კონცერტი გაიმართება
4 სექტემბერს 18 საათზე, ხელოვნების სასახლის წინ.
სამუშაო შეხვედრა ბახმაროში
საქართველოს პარლამენტის წევრის, ლანჩხუთისა და ჩოხატაურის მაჟორიტარი დეპუტატის, ნინო წილოსანის ინიციატივით, კურორტ ბახმაროში სახელმწიფო უწყებებისა და თვითმმართველობის წარმომადგენლებს შორის სამუშაო შეხვედრა გაიმართა, რომელიც მოაგარაკეებთან კურორტის პრობლემებზე საუბრით გაგრძელდა.
შეხვედრაში მონაწილეობდნენ:
სახელმწიფო ქონების ევროვნული სააგენტოს ხელმძღვანელი - ეკატერინე სისაური;
ინფრასტრუქტურისა და რეგიონული განვითარების სამინისტროს დეპარტამენტის უფროსი - ნინო გვენცაძე;
საჯარო რეესტრის ეროვნული სააგენტოს რეგიონალური რეგისტრაციის მართვის სამსახურის უფროსი - ზვიად ტალიკაძე;
მუნიციპალური განვითარების ფონდის დირექტორის მოადგილე - დავით ტაბიძე.
გურიის გუბერნატორის მოადგილე - ქეთევან მოისწრაფეშვილი; გურიის სატყეო სააგენტოს უფროსი - კახა ღლონტი;
ჩოხატაურისა და ლანჩხუთის მუნიციპალიტეტების ხელმძღვანელები.
