საშობაო საჩუქარი დეპუტატისაგან

   6 იანვარს საქართველოს პარლამენტის ჩოხატაურის მაჟორიტარი დეპუტატი თეიმურაზ ჭკუასელი მუნიციპალიტეტის ხელმძღვანელობასთან ერთად სოფელ წიფნარის საჯარო სკოლას სტუმრობდა, მან სკოლას საჩუქრად 300 ცალი წიგნი გადასცა.
   მანამდე დეპუტატმა მოინახულა 94 წლის ქალბატონი ტატიანა კეკელიძე-რამიშვილი, რომელსაც შობა- ახალი წელი მიულოცა და საშობაო საჩუქრები გადასცა. ასევე თეიმურაზ ჭკუასელი ადგილობრივი ხელისუფლების წარმომადგენლებთან ერთად ზურაბ კიკვაძის მრავალშვილიან ოჯახს ესტუმრა და მათ ასევე მიულოცა შობა- ახალი წელი და მათაც საშობაო საჩუქრები გადასცა.

საშობაო ზეიმი

   6 იანვარს  კინოთეატრ გურიაში ჩოხატაურის მუნიციპალიტეტის გამგეობისა და საკრებულოს ინიციატივით  გაიმართა საშობაო ზეიმი ბაბილინასთან ერთად. ზეიმის ბოლოს პატარებს თოვლის ბაბუასგან საჩუქრები გადაეცა.

ჩოხატაურის მუნიციპალიტეტის ა(ა)იპ კომუნალური სამსახური „სხივის“ საჩუქარი გორაბერეჟოულში მცხოვრები ჯამბერიძეების მრავალშვილიან ოჯახს

საახალწლო ზეიმი ჩოხატაურის N1 და სამრევლო სკოლებში

   30 დეკემბერს ჩოხატაურის N1 საჯარო  და სამრევლო სკოლებში საახალწლო ზეიმი გაიმართა. ზეიმს ესწრებოდნენ მუნიციპალიტეტის გამგებელი, საკრებულოს თავმჯდომარე, საკრებულოსა და გამგეობის თანამდებობის პირები, საქართველოს პარლამენტის ჩოხატაურის მაჟორიტარი დეპუტატის ბიოროს წარმომადგენლები, ასევე მასწავლებლები და მშობლები.  სკოლის მოსწავლეებმა მხატვრული და მუსიკალური ნომრები წარმოადგინეს. მუნიციპალიტეტის გამგებელმა ირაკლი კუჭავამ და საკრებულოს თავმჯდომარემ ზაალ მამალაძემ დამსწრე საზოგადოებას დამდეგი ახალი წელი მიულოცეს და საახალწლო ტორტი ერთობლივად გაჭრეს.

გილოცავთ დამდეგ შობა-ახალ წელს

ძვირფასო ჩოხატაურელებო, გილოცავთ დამდეგ 2015 წელს!

   ახალი წლის დადგომას უკეთესობისაკენ ცვლილებების იმედითა და სურვილებით ვხვდებით. გისურვებთ ნაკლები ყოფილიყოს იმედგაცრუება, სურვილები კი რეალობასთან დაახლოებული.
   თქვენი ნდობის მოპოვების შემდეგ ამ განწყობით დავიწყეთ საქმიანობა, რომელმაც უკვე მოიტანა კონკრეტული შედეგები. გასულ წელს, მძიმე ეკონომიკურ პირობებში მყოფ 866 ოჯახს გაეწია ერთჯერადი ფულადი დახმარება. ამ მუხლით 107 ათას ლარზე მეტი გაიცა. სახლების შეკეთება და გამაგრებითი სამუშაოები 58 ოჯახს დაუფინანსდა. მათ შორის, ბოლო 5 თვეში ამ მიზნით ადგილობრივი ბიუჯეტიდან 41 800 ლარი დაიხარჯა. ჩვენი ქვეყნის ტერიტორიული მთლიანობისათვის დაღუპულ ოჯახებს 13 645 ლარი გადაეცათ, სულ სოციალური პროგრამების დასაფინანსებლად 310 ათასი ლარი გაიცა.
   გასულ წელს 140 ინფრასტრუქტურული პროექტი განხორციელდა, აქედან 123 სოფლის დახმარების პროგრამით. სტიქიის შედეგად მუნიციპალიტეტის ინფრასტრუქტურისთვის მიყენებული ზარალის სალიკვიდაციოდ 1 330 000 ლარი იქნა მობილიზებული. ბოლი ხუთ თვეში 74 პროექტი განხორციელდა, აშენდა 22 ხიდი, გადაიხურა 23 საცხოვრებელი სახლი, მათ შორის, სოფელ ქვენობანში 12 ბინიანი საერთო საცხოვრებელი.

Read more: ძვირფასო ჩოხატაურელებო, გილოცავთ დამდეგ 2015 წელს!

ჩოხატაურის მუნიციპალიტეტის ადგილობრივი თვითმმართველობის მოხელეთა შესარჩევი კონკურსი დასრულდა

ჩოხატაურის მუნიციპალიტეტის გამგეობასა და საკრებულოში არსებულ ვაკანსიებში გამარჯვებულთა სია

ბუკისციხის გზის რეაბილიტაცია

2015 წლის ბიუჯეტის საჯარო განხილვა

   24 დეკემბერს, 16 საათზე საკრებულოს სხდომათა დარბაზში გაიმართება 2015 წლის ბიუჯეტის საჯარო განხილვა, დაინტერესებულ პირებს შეუძლიათ დაესწრონ.

საჩუქარი სოციალური მომსახურეობის სააგენტოსაგან

   „კრიზისულ მდგომარეობაში მყოფი“ ბავშვიანი ოჯახების გადაუდებელი პირველადი დახმარების ფარგლებში, სოფ ხიდისთავში მცხოვრებ გელა კალანდაძის ოჯახს მაცივარი და გაზქურა გადაეცა.
   საჩუქრის გადაცემას ესწრებოდნენ მუნიციპალიტეტის გამგებელი ირაკლი კუჭავა და სოციალური მომსახურეობის სააგენტოს ჩოხატაურის ფილიალის უფროსი ზურაბ კალანდაძე.