საჩუქარი სოციალური მომსახურეობის სააგენტოსაგან
„კრიზისულ მდგომარეობაში მყოფი“ ბავშვიანი ოჯახების გადაუდებელი პირველადი დახმარების ფარგლებში, სოფ ხიდისთავში მცხოვრებ გელა კალანდაძის ოჯახს მაცივარი და გაზქურა გადაეცა.
საჩუქრის გადაცემას ესწრებოდნენ მუნიციპალიტეტის გამგებელი ირაკლი კუჭავა და სოციალური მომსახურეობის სააგენტოს ჩოხატაურის ფილიალის უფროსი ზურაბ კალანდაძე.
ღვაწლმოსილი პედაგოგის და „ნართის“ იუბილე
19 დეკემბერს, კინოთეატრ "გურიაში" გაიმართა ღვაწლმოსილი პედაგოგის ვარდო თოდრიას და ხალხურ საკრავთა ანსამბლ "ნართის" საიუბილეო საღამო.
კონკურსის მე-3 ეტაპი
2014 წლის 22, 23, 24 დეკემბერს ჩატარდება ჩოხატაურის მუნიციპალიტეტის ადგილობრივი თვითმმართველობის მოხელეთა შესარჩევი კონკურსის მე-3 ეტაპი - გასაუბრება.
გასაუბრების ეტაპზე საკონკურსო-საატესტაციო კომისიის მიერ, მედია სახლ „გურია ნიუსიდან“ წარმომადგენლები და ფოტო/ვიდეო გადაღება დაშვებული იქნება მხოლოდ კონკურსანტის წერილობითი მოთხოვნის საფუძველზე.
განცხადება წარდგენილი უნდა იქნას ჩოხატაურის მუნიციპალიტეტის ადგილობრივი თვითმმართველობის მოხელეთა მუდმივმოქმედ საკონკურსო-საატესტაციო კომისიაში 2014 წლის 19 დეკემბრის 18:00 საათამდე;
ნაპირსამაგრი სამუშაოები სოფ. გორაბერეჟოულში
სოფელ გორაბერეჟოულში წყალდიდობის შედეგად დაზიანებული სანაპირო ზოლის ნაპირსამაგრი სამუშაოები დასრულდა, რომელიც ითვალისწინებდა გაბიონის მოწყობას და ღელის კალაპოტის გაჭრას. დასრულებული ობიექტი მოინახულა მუნიციპალიტეტის გამგებელმა ირაკლი კუჭავამ.
გილოცავთ ბარბარობის დღესასწაულს !!!
ჩოხატაურის მუნიციპალიტეტის გამგეობა და საკრებულო გილოცავთ ბარბარობის დღესასწაულს !!!!
ანა კალანდაძის იუბილე
2014 წ. 15 დეკემბერს, ჩოხატაურის მუნიციპალიტეტში, „ანა კალანდაძის სახელობის სკვერში“ ჩატარდა პოეტის დაბადებიდან 90 წლისთავისადმი მიძღვნილი ღონისძიება. ადგილობრივი თვითმმართველობის ხელისუფლების წარმომადგენლებმა საზოგადოების სხვადასხვა სფეროების მუშაკებთან ერთად, ყვავილებით შეამკეს ანა კალანდაძის ბიუსტი. საჯარო სკოლის მოსწავლეებმა ანა კალანდაძის პოეზიიდან წაიკითხეს ლექსები. ამის შემდეგ, ღონისძიების მონაწილეებმა სამხატვრო სკოლაში გადაინაცვლეს, სადაც მოეწყო პოეტისადმი მიძღვნილი თემატური გამოფენა.
სამხატვრო სკოლის გამოფენა თბილისში
მიმდინარე წლის 7-9 დეკემბერს, ჩოხატაურის მუნიციპალიტეტის გამგეობისა და საკრებულოს მხარდაჭერით, ქალაქ თბილისში „ზაალ სულაკაურის ცენტრში“ მუნიციპალური სამხატვრო სკოლის მიერ მოეწყო შობისადმი მიძღვნილი გამოფენა.
სტუმრებს შორის იყვნენ კულტურის სამინისტროსა და სხვა უწყებების წარმომადგენლები,სხვადასხვა დარგის შემოქმედი ადამიანები, სამხატვრო აკადემიის სტუდენტები და კურსდამთავრებულები.
3 დღიანმა გამოფენამ წარმატებით ჩაიარა.
ქვენობნის საჯარო სკოლაში რესურს ოთახი გაიხსნა
ჩოხატაურის მუნიციპალიტეტის გამგეობის დაფინანსებით, ქვენობნის საჯარო სკოლაში სპეციალური საჭიროების მქონე მოსწავლეთათვის რესურს ოთახი გაიხსნა.
აღნიშნული ოთახის გახსნას ესწრებოდნენ მუნიციპალიტეტის გამგებელი ირაკლი კუჭავა, მუნიციპალიტეტის საკრებულოს სოციალურ საკითხთა კომისიის თავმჯდომარე დავით შარაშიძე, ამავე სოფლის დეპუტატი დავით გუდავაძე და ჩოხატაურის საგანმანათლებლო რესურს ცენტრის წარმომადგენლები.
,,GURIAN NICE KIDS"-ის მორიგი ტურნე
28 ნოემბერს, კულტურის ცენტრთან არსებულ როკ ჯგუფმა ,,GURIAN NICE KIDS" (ხელმძღვანელი გოჩა გათაშვილი) გასვლითი კონცერტი ჩაატარა ქ. ფოთში - ვ.გუნიას სახელობის დრამატულ თეატრში.
"ეტალონი" ჩოხატაურში
27 ნოემბერს, რეგიონული ტურნეს ფარგლებში მედიაპროექტ „ეტალონის“ ავტორი და წამყვანი გოჩა ტყეშელაშვილი გვსტუმრობდა. იგი შეხვდა მუნიციპალიტეტის გამგებელს, საკრებულოს თავმჯდომარეს, მოსწავლეებს და პედაგოგებს. შეხვედრის მიზანი იყო ქვეყანაში სოციალური-საგანმანათლებლო ფონის გაუმჯობესება, წარმატებაზე ორიენტირებული მოსწავლე-ახალგაზრდების მოტივირება და პედაგოგების წახალისება. გადაწყდა, რომ მომავალ წელს მედიაპროექტ „ეტალონის“ ფორმატით ჩოხატაურის მუნიციპალიტეტის მოსწავლეებისათვის სპეციალური გადაცემა მომზადდება.
შემოგვიერთდით Facebook-ზე
გაზიარება
ბმულები
